ఈ ఘటన ఇండోనేషియాలోని ఈస్ట్ లొమ్బోక్ రీజెన్సీలో జరిగింది. దేడి పూర్ణమా (26)కి అతడి భార్య ఇల్హం చయాని (25)కి మధ్య ఈ నెల 12 జరిగిందీ గొడవ. ఆ రోజు పూర్ణమా తన ఇంట్లోని ఫ్లోరింగ్ పగిలిపోయి ఉంటే దాన్ని సరి చేస్తూ బిజీగా ఉన్నాడు. ఆ సమయంలో అతడి ఫోన్ లాక్ పాస్ వర్డ్ చెప్పాలని భార్య ఇల్హం అడిగింది. కానీ అతడు చెప్పనన్నాడు. ఎందుకు చెప్పవంటూ ఆమె అడగడంతో గొడవ మొదలైంది. అది కాస్తా పెద్ద రచ్చగా మారిపోయింది. ఆవేశంలో భర్త ఆమెను కొట్టాడు. దీంతో పట్టలేనంత కోపంతో భార్య ఇల్హం పెట్రోల్ తెచ్చి అతడిపై పోసి నిప్పంటించింది. తీవ్ర గాయాలతో ఆసుపత్రిలో పడిన అతడు జనవరి 14న చనిపోయాడు. అతడి భార్యను పోలీసులు అరెస్టు చేశారు. అయితే ఇది కేవలం ఫోన్ పాస్ వర్డ్ చెప్పలేదని చేసిన పనిలాగా లేదని, మనసులో ఏదో పెట్టుకుని కారణం కోసం ఎదురు చూసి హత్య చేసినట్లుగా ఉందని పోలీసులు చెబుతున్నారు. దీనిపై తమ దర్యాప్తులో తేలుతుందని వారు ఆ దేశ మీడియాతో చెప్పారు.
No comments:
Post a Comment