Gnews telugu channel:రాయదుర్గం: కాంగ్రెస్‌ కార్యనిర్వాహక అధ్యక్షుడు రేవంత్‌ రెడ్డి ఫామ్‌ హౌస్‌ గోడను కూల్చివేశారు. గచ్చిబౌలి పరిధిలోని గోపన్‌పల్లిలో సర్వే నంబరు 126, 127లో ఉన్న రేవంత్‌ రెడ్డి ఫామ్‌ హౌస్‌ గోడను కూల్చివేయడం వెనుక రాజకీయ కుట్ర ఉందని అభిప్రాయపడుతున్నారు. రేవంత్‌ రెడ్డి, ఏపీ వైకాపాకు చెందిన ఓ నేతకు మధ్య సర్వే నంబరు 127కు సంబంధించి భూవివాదం కోర్టులో నడుస్తోంది. ఈ క్రమంలోనే మంగళవారం తెల్లవారుజామున వైకాపా నేత అనుచరులు మూడు జేసీబీలు ఉపయోగించి వివాదాస్పదంగా ఉన్న ప్రహరీని కూల్చి వేశారు. ఈ ఘటనపై రేవంత్‌ రెడ్డి సోదరుడు పోలీసులకు ఫిర్యాదు చేశారు. గచ్చిబౌలి పోలీసులు సంఘటనాస్థలానికి చేరుకొని 11 మందిని అదుపులోకి తీసుకున్నారు. కేసు నమోదు చేసుకొని దర్యాప్తు చేస్తున్నారు.
No comments:
Post a Comment