ఎన్నికల ప్రచారం: ఇవాళ మూడు జిల్లాల్లో పర్యటించనున్న కేసీఆర్

Gnews telugu channel:ఎన్నికల ప్రచారంలో భాగంగా TRS అధినేత, సీఎం కేసీఆర్ ఇవాళ(ఆదివారం) వికారాబాద్, మహబూబ్‌నగర్, రంగారెడ్డి జిల్లాల్లో పర్యటించనున్నారు. మూడు జిల్లాల్లో ఆరుచోట్ల జరిగే ఎన్నికల ప్రచార సభల్లో ఆయన పాల్గొననున్నారు. శనివారం ప్రచారం నుంచి విరామం తీసుకున్న సీఎం కేసీఆర్ ఇవాళ మూడు జిల్లాల్లో పర్యటించి తాండూరు, పరిగి, నారాయణపేట, దేవరకద్ర, షాద్‌నగర్, ఇబ్రహీంపట్నం నియోజకవర్గాల్లో ఏర్పాటు చేసిన బహిరంగ సభల్లో ప్రసంగిస్తారు. మధ్యాహ్నం నుంచి సాయంత్రం వరకు ఈ సభలు కొనసాగనున్నాయి. ఈ క్రమంలో పోలీసులు భారీ బందోబస్తు ఏర్పాటు చేశారు.